Joan den otsailaren 22an, EAEko LHko ikastetxe batean, zehazki Santurtziko San Jorge LHIIn, hidrogeno berdea ekoizteko lehen azpiegitura inauguratu zuteen. TELKI Green Hydrogen Lab izena duen eta lanbide heziketako zentro bakarra den gune hori Tecunik garatu du, VINCI Energies Spain, trantsizio energetikorako soluzioetan espezializatutako taldearen Bizkaiko enpresetako batek.
San Jorge LHII da, Gipuzkoako Usurbil LHIIrekin batera, Energia Berriztagarrietako Goi Mailako zikloaren promozioa atera duen lehen ikastetxea.
Energia berriztagarriekin lortutako hidrogenoa
Hidrogenoa naturako elementu kimiko ugariena da, eta energia-iturri garbia eta agortezina da. Hala ere, elementu hori ez da inoiz bakarrik agertzen, beste elementu batzuei lotuta baizik. Hidrogenoa beste elementuetatik bereizteko prozesuan erabiltzen den energiak zehazten du erregai jasangarria den ala ez. Hidrogenoa beste elementuetatik bereizteko energia berriztagarriak erabiltzen direnean, (eolikoa, eguzki-energia edo hidraulikoa), zero C02 isurirekin, hidrogeno berdea lortzen da.
Sergio Rojas Katalisi eta Petroliokimika Institutuko CSICeko ikerketa-irakasleak azaltzen duenez, energia berriztagarriekin lortutako hidrogenoaren indarguneak oso kutsagarriak diren industria-prozesuetan ezartzen ari dira, hala nola amoniakoaren eta ongarrien ekoizpenean. Amoniakoa da, adibidez, mundu mailan gehien ekoizten den produktuetako bat.
Gainera, Hidrogeno Berdea “industrian erabiliko da, burdina, altzairua eta porlana ekoizteko” azaldu du Rojas-ek. Kontuan izan behar da, gaur egun, industria astunak eta ekoizpen kimikoak CO2 isuri globalen ia % 40 eragiten dutela.
Rojasen esanetan, Energia Berriztagarrien Nazioarteko Agentziaren (IRENA) arabera, “2030 bitartean, energia berriztagarrien sektorean 38 milioi enplegu sortuko dira”.
