Bilboko Udalak #GazteKluba GABONAK ekimenaren edizio berri bat jarri du abian, gazteei zuzenduta eta gustu guztietarako jarduerekin abenduaren 26tik urtarrilaren 4ra bitartean. Ekimenak, gainera, familien lana bateratzen lagundu nahi du.
Guztira, aisialdi osasungarriko 18 jarduera egingo dira 12 eta 17 urte bitarteko gazteentzat, besteak beste, sormena, kirola eta teknologia sustatzeko topagune ludiko bat eskaintzeko.
K-Pop dantzaldia Bilborocken
Urteroko K-Pop lehiaketak 16 bakarlari eta 16 talde izango ditu bi kategoriatan: 12-17 urte eta 18-25 urte. Hitzordua abenduaren 27an izango da.
Teknologia La Perreran
- Robotika, 3D inprimaketa eta podcasta abenduaren 26tik 29ra, eta urtarrilaren 2tik 4ra, 17:00etatik 21:00etara.
- DJ eta REMIX tailerra, DJ Makalarekin urtarrilaren 2, 3 eta 4an 11:00etatik 13:30era.
- Gaming Zone: urtarrilaren 2, 3 eta 4an, 11:00etatik 14:00etara eta 17:30etik 20:30era.
Leku enblematikoetarako irteerak
- Bi irteera programatu dira Donostiako Izotz Jauregira abenduaren 27an eta urtarrilaren 4an, 09:30etik 15:00etara.
- Urtarrilaren 4an Scape Room egongo da Celestino María del Arenal plazako 2an, Sarrikon, urtarrilaren 4an, 10:15etik 13:30era.
Kirol Jarduerak eta Tailerrak
- Jugger Errekaldeko gaztegunean, urtarrilaren 3an, 18:00etatik 20:00etara.
- Dantza latinoak Errekaldeko gaztegunean, urtarrilaren 4an, 18:00etatik 20:00etara.
- Askotariko tailerrak, gustu guztietarako aukerak eskaintzen dituztenak: ore freskoa, ehun-inprimaketa luminiszentea, zeramikari buruzko monografikoa edo ukelelea jotzen ikastea.
